Kaixo lagunok!
Gaurkoan, Anoetako Gazte Asanblada kideok Olentzerori eta Mari Domingiri idatzi diogun eskutitzarekin gatoz.
Zer
moduz bizi zarete? Nolakoa izan da aurtengo urtea zuenean? Guk hemen jarraitzen
dugu Anoeta eta inguruetan, gure ale txikia jarri nahian. Urtea joan eta urtea
etorri antzeko eskariak egiten dizkizuegu eta aurtengoan ere antzekoak egin
beharrean gara, Euskal Herritik urrun dauden seme-alabak ez baitira etxekoen
berora gerturatu eta epe laburrean egiteko itxurarik ere ez da nabari.
Baina
aurtengoan ekartzea baino bidaltzea da eskatu nahi dizueguna. Inguruan gero eta
putre gehiago ageri da eta ez dute alde egiteko itxurarik. Eraman itzazue gure
herritik gau eta egun lehergailuz mendiak zulatzen dituzten AHT zale horiek,
eraman itzazue urrutira euskal herritarrak auzipetu nahi dituzten sasi-epaile
horiek, eraman itzazue LOMCE eta antzeko legeak inposatu nahi dizkiguten
horiek, eraman itzazue abortuaren legea onartu duten horiek, eraman itzazu
frankismo garaiko irakasle-zerrenda beltzak egin nahi dituzten horiek…
Zerrenda
luzeegia da ordea egun batean eta zaku batean eramateko. Lasai guk ere jarriko
ditugu zakuak eta gu bidelagun izango gaituzue langintza horretan. Ametsetako
herria elkarrekin egin behar dugulako eta kolorez margotzeko prest gaudelako
muxu handi bat bidea elkarrekin egin nahi duzuen guztioi!
Anoetako Gazte Asanblada
Ea hurrengo urtean Olentzero eta Mari Domingirekin batera Euskal Herriaren Askatasuna ospatzeko aukera dugun, bitartean, lanean jarraitu beharko dugu. Bidea gurekin egin nahi?
iruzkinik ez:
Argitaratu iruzkina